Harinawa ko ang makapagtapos ako ng pag-aaral nang may mataas na karangalan upang maipagmalaki ako ng aking pamilya. Nais kong masuklian ang lahat ng kanilang sakripisyo at paghihirap para sa akin. Harinawa ay magkaroon ako ng matatag at masayang kinabukasan. Sana’y makamit ko rin ang aking mga pangarap at maging inspirasyon sa iba. Harinawa ay manatili akong may mabuting puso at pananalig sa Diyos sa lahat ng oras.

10 Jupiter

Harinawa’y magkaroon ng mas maayos at mapayapang buhay ang aking pamilya. Nais kong makapagtapos ng pag-aaral upang makatulong sa kanila at maiahon kami sa kahirapan. Harinawa’y magpatuloy akong maging matatag sa kabila ng mga pagsubok na dumarating. Sana’y magtagumpay ako sa aking mga pangarap at magamit ito upang maging inspirasyon sa iba. Harinawa’y maramdaman ko ang tunay na kaligayahan kasama ang mga taong mahal ko.

10 STE-Jupiter

Harinawa ko'y makapagtapos ng pag-aaral at maging isang matagumpay balang araw upang masuklian ang mga itinulong sa akin ng aking mga magulang. Makamit ko ang aking mga pangarap sa tulong ng kanilang walang sawang suporta at pagmamahal.

Harinawa ko maiahon ang pamilya mula sa kahirapan. Mapanatili ko ang kababaang-loob at pasasalamat sa bawat hakbang ng aking tagumpay.At harinawa kong magamit ko ang aking tagumpay upang magbahagi at tumulong rin sa iba, tulad ng pagtulong ng aking magulang sa akin.

10 Jupiter

Harinawa’y magkaroon ako ng isang buhay na may kabuluhan at direksyon. Sana’y patuloy akong mamuhay nang may layunin at hindi basta-basta sumusuko sa mga hamon. Harinawa’y mapuno ng tunay na kaligayahan, pagmamahal, at kapayapaan ang bawat araw ng aking pag-iral. Nais kong madama na ang buhay ay hindi lamang tungkol sa tagumpay, kundi sa mga aral na natutunan sa bawat pagkakamali. Harinawa’y mabuhay ako nang may saysay — para sa sarili, sa kapwa, at sa Diyos.

10 STE Jupiter

Ang pinakaninanais kong maisakatuparan na harinawa ko ay sana magkaroon ng disiplina ang mga tao upang mapangalagaan ang hangin, tubig, at lupa na ating pinagkukunan ng buhay. Nais kong bawat tao ay matutong magmahal at mag-alaga ng kalikasan, mula sa pagtatanim ng mga puno, halamang gulay, mga bulaklak hanggang sa tamang pagtatapon ng basura. Ang isang mundo na may malinis na kapaligiran at malusog na kalikasan ay nagkakaroon ng mga mabubuting epekto kagaya ng malusog na katawan at isipan ng mga tao, mas kaunting sakuna, mas masaya na pamumuhay at marami pa. Matuto tayong mamuhay nang may malasakit sa inang kalikasan. Kapag sumunod tayo sa ganitong paraan, ang susunod na henerasyon ay makakaranas pa ng kagandahan at biyaya ng ating mundo.

10 STE-JUPITER

Harinawa ko'y makapagtapos ako sa aking pag-aaral at magkaroon ng maayos na trabaho. Nais kong masuklian ang lahat ng paghihirap nina Mama at Papa sa pamamagitan ng pagtupad sa aking pangarap. Malayo na ang aking narating, ngunit mahaba pa ang aking lalakbayin. Kaya naman, patuloy akong nananalig sa Panginoon upang ako at ang aking pamilya ay Kanyang gabayan sa lahat ng bagay. Ipinapanalangin kong mangyari ang Kanyang kalooban sa buhay namin.

10 Ste- Jupiter

07-29-25

Sa dinarami-rami ng bituin sa kalangitan, tila’y nagsisilbi itong pangarap na mahirap abutin — ngunit ningning ay nag-uudyong ’wag mapagod na ito’y tahakin. Sa ilalim ng mga ito’y kaligayahan, katahimikan, kapayapaan, at malamig na pagmamahalan ay normal at simple lamang para sa iba. Datapwat ito’y isang harinawa na kumplikadong abutin, para sa’kin. Harinawang maging banayad at sigurado sa ganang akin, nang hindi iniisip ang iba. Gulong dulot ng iba at ang mundong lumbay ang dulot sa isip at puso — padayon sa banayad at siguradong pagtakbo.

10 STE JUPITER

Harinawa'y makapagtapos ako ng pag-aaral at maging isang ganap na nurse balang araw. Pangarap kong makapaglingkod sa kapwa sa pamamagitan ng pag-aalaga at pagbibigay ng malasakit sa mga nangangailangan. Nais ko ring makapagtrabaho sa ibang bansa upang makatulong sa aking pamilya at maiahon sila sa kahirapan. Harinawa'y manatili akong matatag at masigasig sa pag-abot ng aking mga pangarap, kahit pa marami akong kailangang pagdaanan. Sa tulong ng Diyos, harinawa'y maging matagumpay ako at maging inspirasyon sa iba.

10 STE - JUPITER

Harinawa’y maisakatuparan ko ang pangarap kong maging isang matagumpay na manggagamot. Nais kong makatulong sa mga taong may karamdaman, lalo na sa mga kapos-palad na walang kakayahang magpagamot. Harinawa’y maging matatag ako sa harap ng mga pagsubok sa pag-aaral at propesyon, at manatiling may malasakit sa aking paglilingkod. Pangarap kong magbigay pag-asa at ginhawa sa mga pasyente sa pamamagitan ng aking kaalaman at puso. Harinawa’y maging kasangkapan ako ng Diyos sa pagbibigay ng kagalingan at buhay sa kapwa.

10 ste- Jupiter

Hanirawa ko ay magkapagtapos ng pag - aaral upang matulongan ang aking magulang at masuklian lahat ng ginawanila .

Haniwara kong  matupad lahat ng aking pangarap upang lahat ng aking paghihirap  sa  pag - aaral ay maisakatuparan.

Haniwar kong maging maayos at payapang pamumuhay .

Haniwara ko sa hinaharap ay  makahanap ng stable na trabaho para ma bayaran lahat ng mga bayarin at mabili lahat ng pangangailangan at mga kagustuhan.

Haniwara ko ay matupad lahat ng mga pangarap ko at pangarap ng lahat ng taong nag pupursige sa buhay.

10 STE - JUPITER

Harinawa’y makapagtapos ako ng pag-aaral upang makatulong sa aking pamilya at masuklian ang lahat ng kanilang sakripisyo at paghihirap para saakin. Nais kong maiahon sila sa kahirapan at maibigay ang kanilang mga pangangailangan at ninanais na hindi nila nakamit noon at tumulong sa pagpapaaral sa aking nakababatang kapatid. Pangarap kong magkaroon ng maganda at maayos na trabaho upang makapagpatayo ng bahay para saakin at sa aking pamilya. Harinawa’y manatili ako at ang aking pamilya na ligtas, malusog, matatag at matiyaga sa kabila ng mga pagsubok na darating sa aming buhay. Higit sa lahat, harinawa’y magtagumpay ako sa buhay sa paraang may dangal at kabutihan sa puso at magkaroon ng payapang pamumuhay.

10 STE - JUPITER

07/29/25

Harinawa ay makapagtapos ako ng pag-aaral para matupad ko ang mga pangarap ko sa buhay. Hindi ito para sa sarili ko lang, kundi para sa mga magulang kong nagsakripisyo para sa akin. Sila ang dahilan kung bakit ako patuloy na nagsusumikap at naniniwalang may magandang patutunguhan ang lahat ng ito. Harinawa’y dumating ang araw na mapagaan ko rin ang buhay nila. Gusto ko balang araw ako naman ang bumawi at maiparamdam sa kanila na sulit ang lahat ng sakripisyo nila.

10 STE Jupiter

07/29/25

Ang harinawa ko ay makapagtapos ako ng pag-aaral nang may karangalan upang maipagmalaki ako ng aking pamilya. Harinawa ay magpatuloy akong magsikap at hindi mawalan ng pag-asa sa kabila ng mga pagsubok sa buhay habang tinutupad ko ang aking mga pangarap. Harinawa ay manatiling ligtas, malusog, at masaya ang aking buong pamilya sa araw-araw. Harinawa ay magkaroon ako ng maayos, marangal, at magandang trabaho sa hinaharap upang makatulong ako sa aking mga mahal sa buhay. At higit sa lahat, harinawa ay matupad ko ang lahat ng aking mga pangarap at maging inspirasyon din sa ibang tao.

10 STE- JUPITER

Harinawa ko ay makapagtapos ng pag-aaral at maging isang matagumpay na abogado. Upang mabigyan ko ng maayos at maginhawang buhay ang aking pamilya, at makapagbigay sa kanila ng kinabukasan na puno ng pag-asa at oportunidad. Pangarap kong makita ang aking pamilya na may ngiti sa kanilang mga labi, at maramdaman nila ang bunga ng aking pagsisikap at determinasyon. Gusto kong ipakita sa kanila na ang kanilang suporta at paghihirap ay hindi nasasayang, at ang aking tagumpay ay susukli sa kanilang walang sawang pagmamahal at pag-aalaga. Sa pamamagitan ng aking tagumpay, nawa'y maging inspirasyon ako sa aking pamilya at sa mga taong nakapaligid sa akin.

10-STE-JUPITER

Ang aking harinawa ay makapagtapos ng pag-aaral at maging isang matagumpay na doktor o nurse balang araw. Sana ay malampasan ko ang lahat ng pagsubok sa aking paglalakbay patungo sa pangarap kong ito. Nais ko itong makamit dahil gusto kong makatulong sa mga nangangailangan ng lunas o gamot para sa kanilang karamdaman. Harinawa ay magkaroon ako ng sapat na lakas ng loob, talino, at determinasyon upang maabot ko ito. Sana ay matupad ang pangarap kong ito sa tulong ng Diyos, ng aking pamilya at ng aking sarili.

10 STE Jupiter

Harinawa ko ay maging isang matagumpay na propesyonal na nurse balang araw. Nais kong makamit ito upang makatulong sa aking pamilya at maibigay ang kanilang mga pangangailangan. Harinawa ko ring makapaglakbay sa iba't ibang bansa at makita ang kagandahan ng mundo. Isa sa mga pinakapangarap kong mapuntahan ay ang Switzerland. Harinawa ko na sa pagtupad ng mga pangarap ko, ay manatili akong tapat at hindi mawawala sa landas ng Diyos.

10 STE - JUPITER

07/29/25

Harinawa ko na magkaroon ng malusog at masayang pamilya na laging nagmamahalan at nagtutulungan. Nais kong maging mabuting anak at kapatid na laging nandiyan para sa kanila. Harinawa ay magkaroon ako ng sapat na lakas ng loob upang harapin ang mga hamon sa buhay at maging matatag sa aking mga desisyon. Harinawa makamit ko ang aking mga personal na pangarap at maging isang taong may ambag sa lipunan.

Harinawa ay manatili akong tapat sa aking sarili at sa aking mga kakilala, at laging maging mapagpasalamat sa lahat ng biyayang natatanggap ko.

10 STE - Jupiter

Harinawa ay makapagtapos ako ng pag-aaral upang gumanda ang aming buhay at masuklian ko ang lahat ng sakripisyo ng aking pamilya. Pangarap ko maging isang matagumpay na doktor balang araw. Harinawa ay mabigyan kami ng pagkakataong makalibot sa iba’t ibang bansa, lalo na sa Switzerland. Nais kong matupad ko ito kasama ang aking pamilya. Higit sa lahat, harinawa'y patuloy kaming gabayan at pagpalain ng Panginoon sa bawat hakbang ng aming buhay.

10-STE JUPITER

Ang Harinawa ko ay ang pagkakaroon ng (stable) maayos na trabaho pagkatapos ko makapagtapos sa akjng pag-aaral. Kapag may pamilya na ako, nais kong masuportahan ang aking sarili at aking pamilya na hindi patuloy tuloy na nag-aalala sa pera. Matutugunan ko ang aking pang-araw-araw na pangangailangan. Masusuportahan ko na rin ang aking magulang upang mabalikan amg gknawa nila para saakin. Kapag may (stable) matatag ako na pinagkukunan ng pera, maaari na akong makapagplano ng para sa aking kinabukasan at may kalayaan na mag-focus sa mga bagay na tinatamasa ko.

10 STE-JUPITER

7/29/25

Ang aking harinawa ay maging isang ganap na flight attendant. Pangarap kong makapaglakbay sa iba't ibang bansa at makilala ang iba't ibang kultura. Gusto kong makatulong sa mga pasahero upang maging ligtas at komportable ang kanilang paglalakbay. Nais kong magkaroon ng trabaho na magbibigay sa akin ng kasiyahan at tagumpay. Sana ay maisakatuparan ko ang aking pangarap at maging inspirasyon sa iba. Nais ko ring matutunan ang mahahalagang kakayahan sa komunikasyon at serbisyo sa customer na makakatulong hindi lamang sa trabaho kundi pati na rin sa aking pang-araw-araw na buhay. Naniniwala ako na sa pamamagitan ng tiyaga, disiplina, at pananampalataya, maaabot ko ang aking mga pangarap. Hindi magiging madali ang daan, ngunit handa akong magpursigi para sa aking hinaharap. Sa pagtupad ng aking pangarap bilang flight attendant, nais kong maramdaman ang saya at pagmamalaki na dala ng aking pagsisikap at tagumpay.

Catbagan, Christopher L.

10-STE-JUPITER

Harinawa ay matuto na akong panindigan ang mga sinimulan ko. Nais kong makita ang resulta ngunit ako ay kulang sa disiplina. Mabagal ang paglaki o paglakas ng aking katawan hindi lamang sa kakulangan ng disiplina, isa ring dahilan ang kakulangan sa oras at kaalaman. Ayoko nang makita araw-araw na parang walang nagbabago dahil din lamang saakin. Harinawa ay tuluyan na akong kumilos, hindi lang mangarap ng resulta.

10 STE-JUPITER

07/29/25

Ang aking pinakaninanais ay makapagtapos ng pag-aaral at magkaroon ng isang magandang trabaho. Sa ganitong paraan, umaasa akong masuklian ang lahat ng paghihirap ng aking mga magulang. Harinawa'y magkaroon ako ng isang buhay na puno ng tunay na saya, pagmamahal at kapayapaan. Nawa'y malampasan ko ang lahat ng pagsubok araw-araw at maipagpatuloy ang buhay nang may pag-asa. Sa gabay ng Panginoon, ako ay naniniwala na ang lahat ng ito ay matutupad balang araw.

10 Jupiter

Ang aking pinaka-ninanais na maisakatuparan na harinawa ay ang makatapos ng aking pag-aaral at makatulong sa aking mga magulang. Gusto kong maibigay sa kanila ang ginhawa at suporta na nararapat sa kanilang pagsisikap para sa akin. Ang tagumpay ko ay magiging bunga ng kanilang dedikasyon at pagmamahal. Sa pamamagitan ng aking pagtatapos, inaasahan kong maibabalik ko ang kanilang sakripisyo at makatulong sa pag-angat ng aming pamumuhay. Ito ang aking pangako sa kanila.

10 ste-Jupiter

Harinawa’y matupad ko ang aking pangarap na maka pag tapos nang aking pag-aaral at maging isang psychologist balang araw. Gusto kong makatulong sa mga taong may pinagdaraanan sa kanilang isip at damdamin. Nais ko ring matutong makinig at umunawa nang mas mabuti sa kapwa. Harinawa’y maging daan ako para maipakita sa iba na mahalagang alagaan ang ating sarili at kalusugan ng ating pag-iisip.

10-Jupiter

Harinawa ko sa aking buhay ay makapagtapos ng pag-aaral at maging maayos ang buhay.Makahanap ng maayos na trabaho o gagawa ng sariling hanap buhay upang makamit ang pinapangarap.Harinawa ko mabigyan ng maganda't payapang buhay ang aking pamilya at magiging sariling pamilya.Sa lahat ng ito may mga pagsubok Akong haharapin upang makamit ang mga yan.Pero hinding hindi ako susuko dahil ito ang ginusto kung buhay na bubuoin.

10STE Jupiter

Ang haraniwa ko ay ang makapag tapos sa pag-aaral at maging isang arkitekto. Nais kong ilabas ang aking pamilya sa kahirapan at magkaroon ng maginhawang buhay, Nais kong maging mas malapit sa Diyos dahil siya ang nag sisilbing gabay sa bawat hamon ng buhay natin. Nais ko rin na makilala ng buo ang aking sarili upang mas maunawaan ko ang aking nararamdaman at aking kilos na nakakasakit man sa ibang tao. Nais ko rin na magkaroon ng maginhawang relasyon saaking kasintahan na wala mang away at kasakitan na mararanasan, Nais kong matupad ang lahat na ito dahil eto ang nagsisilbing gabay saakin sa bawat araw na tumayo at pagsikapan ang aking mga suliranin sa buhay.

Abanes, Zyndy Ivy G.

10 Jupiter

Ang Harinawa ko'y makapagtapos ng aking pag-aaral at magkaroon ng masagang kinabukasan. Nais ko rin maging isang Psychologist upang matulungan ang mga taong dumaranas ng matinding emosyonal at mental na pagsubok, sapagkat ito ay isang problema na hinaharap ng mga tao na maaaring maudlot sa isang trahedya kung hindi ito bibigyan ng pansin. Interesado rin ako sa pag-unawa sa isip at damdamin ng tao, kaya pinili kong maging isang Psychologist. Isa rin dito ay ang pag-aaral ng pag-uugali at kaisipan ng tao ay nagbibigay sa akin ng kakaibang interes at kasiyahan. Sa kabilang banda, inspirasyon ko naman ang mga taong matagumpay na nakabawi mula sa depresyon at anxiety sa tulong ng therapy. Ang pagiging psychologist ay hindi lamang propesyon para sa akin, kundi isang misyon na may layuning magbigay ng pag-asa at pag-unawa sa mga taong nahihirapan o mayroong pagsubok sa buhay.

10 STE-Jupiter

07/29/25

HARINAWA

Harinawa na aking pinakaninanais na makamit sa aking buhay ay makatapos ng pag-aaral ng mayroong dangal dahil sa gabay ng Poong Maykapal at ng aking mga pamilya. Nais kong ipadama sa aking pamilya lalong-lalo na ang aking mga magulang, na ang bunso nilang anak ay balang araw ring magtatagumpay sa buhay. Harinawa kong malaman nila na ang kanilang mga suporta, aral, pagmamahal at sakripisyo ang nagsilbing liwanag sa aking landas at ang aking kalasag sa lahat ng mga hamon sa buhay na aking tinatahak patungo sa pagtatagumapay. Itinuturing kong isang tungkulin ang pagbabalik ng kabutihan na ipanagkaloob sa akin ng Amang Jesucristo at ng aking mga magulang. Kaya sa bawat hakbang na aking gagawin, sila ang nakaukit sa aking puso na magsisilbing kanlungan ko sa lahat ng balakid sa aking buhay.

10 STE JUPITER

Isa sa pinakamasidhi kong harinawa ay ang taglayin muli ang kasiyahan, nais kong manumbalik ang kagalakan — iyong dalisay at hindi matatawaran ng anumang bagay. Sa panahon ngayon, ang mga ngiti ay pawang mga maskara: mapanlinlang at isa na lamang balat-kayo. Isang halimbawa ay tuwing ako'y magliliwaliw sa ilalim ng nakapapasong araw kasama ang aking mga kalaro, madungis at parating napagsasabihan ng magulang, ngunit mayroong tapat na tuwa. Hangad kong hindi lang ito basta tanawin kundi ay madama muli. Batid kong ito ay imposible nang mabalikan bilang ito ay isa na lamang malayong anino ng nakaraan, ngunit ito ang taimtim kong harinawa na sana'y hindi ipagkait sa akin.

10 STE JUPITER

Harinawa’y matupad ko ang aking pangarap na maging isang flight attendant balang araw. Nais kong maranasan ang makalibot sa iba’t ibang panig ng mundo habang ginagampanan ang tungkulin ng may ngiti at malasakit. Harinawa’y maipasa ko ang lahat ng training at requirements upang makapasok sa gusto kong airline. Gusto kong maging inspirasyon sa iba na abutin ang kanilang mga pangarap kahit gaano ito kataas. Harinawa’y manatili akong matatag at determinado sa pagtahak ng landas patungo sa langit ng aking mga pangarap.

10 Ste Jupiter

Ang aking harinawa ay ang makapagtapos ako ng pag-aaral na may baon na karunungan at lakas ng loob upang harapin ang mga pagsubok sa buhay habang tinutupad ang mga pangarap ko. Pangarap kong maging isang psychologist hindi lamang dahil sa kagustuhan kong magkaroon ng magandang trabaho, kundi dahil sa kagustuhan kong tumulong sa mga taong labis na nasasaktan ngunit walang masabihan, sa mga taong tahimik na lumalaban, at sa mga taong kinakailangan lamang ng kaunting unawa at pag-aalaga upang muling maniwala sa sarili. Ang tagumpay na ito ay hindi lamang para sa akin kundi higit sa lahat, para sa aking pamilya na araw-araw nagsasakripisyo, nagtitiis, at walang sawang sumusuporta sa akin sa kabila ng lahat ng hirap sa buhay. Nais ko silang maiahon mula sa kahirapan at masuklian kahit kaunti ang mga pawis, luha, at pagod na kanilang inialay para lamang matupad ko ang mga pangarap ko.

10 STE Jupiter

07/29/25

Ang pinakamahalagang harinawa ko ay ang muling maranasan ang kalayaan at kagalakan ng aking pagkabata. Nais kong maibalik ang simpleng saya ng paglalaro sa ilalim ng araw, ang walang-alinlangang pagtawa kasama ang mga kaibigan, at ang payapang pakiramdam ng pagiging bata. Gusto kong makalimot sa mga problema at responsibilidad ng pagtanda, kahit pansamantala lamang. Hangad kong maibalik ang purong kaligayahan at kawalang-muwang na aking taglay noon. Sa pamamagitan nito, sana'y magkaroon ako ng inspirasyon at lakas upang harapin ang mga hamon ng buhay.

Valdez, Blessing Faith O.

10Jupiter

7/29/25

Ang aking harinawa ay makapagtapos at maging isang abogado—hindi lamang basta abogado, kundi isang makatarungan at tapat na tagapagtanggol ng katotohanan. Isa sa mga inspirasyon ko si Sandra Day O'Connor, ang unang babaeng miyembro ng Korte Suprema ng Amerika. Pinahanga ako ng kanyang prinsipyo at tapang sa harap ng mga hamon. Alam kong mahirap, pero determinado akong magsikap para matupad ang pangarap na ito. Gagawin ko ang lahat upang magtagumpay

10 Jupiter

Una kong Harinawa ay matupad ko ang aking mga pangarap sa buhay.Pangalawa kong Harinawa ay manalo ako sa mga kumpetisyon sa pagbibisikleta at maging kilala sa larangang ito.Pangatlo kong Harinawa ay makapagtapos ako ng pag-aaral upang maging isang matagumpay na IT professional.Pangapat kong Harinawa ay magkaroon ako ng isang masayang pamilya na puno ng pagmamahalan at suporta. At higit sa lahat, pang huli kong harinawa ay makabuo ako ng isang banda kung saan ako ang gitarista, upang maipahayag ko ang aking damdamin sa pamamagitan ng musika

Harinawa ko ay matupad lahat ng pangarap ng naming mga magkaklase. Gusto ko silang makita bilang pinaka pinakamahusay na bersyon ng kanilang sarili. Ang aking pangarap ay maging isang magaling na inhinyero dahil bata pa lamang ako ay ito na ang aking mithiin sa buhay. Gusto kong matulungan ang aking pamilya na malagpasan ang kahirapan, kaya ako ay nagpupursige upang matupad ang mga ito. Inaamin ko na ako ay tamad ngunit gagawin ko ang lahat ng aking makakaya upang makapagtapos ng pag aaral.

10 STE-Jupier

Harinawa ko ay maging isang matagumpay na engineer upang makatulong sa aking pamilya at sa sarili kong pag-unlad. Harinawa'y makapagtapos ako ng pag-aaral sa kabila ng hirap sa buhay, at magamit ko ang kaalaman na ito upang makahanap ng marangal na trabaho. Hindi lamang ito para sa pansariling tagumpay, kundi para maiahon sa kahirapan ang aking mga mahal sa buhay. Nais kong maging inspirasyon sa iba, lalo na sa mga kabataang nangangarap din ng mas magandang kinabukasan. Ang bawat pagod at sakripisyo ko ngayon ay magiging daan patungo sa isang mas maliwanag na bukas.

10STE-Jupiter

‎Ang una Kong harinawa ay makapagtapos sa pag-aaral Kasama ang mga kaibigan at mga kaklase.Pangalawa Kong harinawa ay makahanap Ng trabaho na akma sa aking kakayahan at kurso na napili.Ito ay para masuklian ko ang mga pagsasakripisyo na nagawa Ng aking mga magulang.Pangatlo ay magkaroon Ng sariling tahanan na katamtaman ang laki.ang huli kong harinawa ay sana maging masiyahin an kontento sa aking kinabukasan

Harinaawa’y matupad ko rin ang pangarap kong makapunta sa iba’t ibang bansa. Gusto kong makita ang ganda ng mundo—ang kultura, tanawin, at mga tao sa iba't ibang panig nito. Lalo kong pinapangarap na makapunta sa Japan, Switzerland, at Germany dahil bukod sa magaganda ang mga lugar na ito, marami rin akong gustong matutunan mula sa kanila.

Higit sa lahat, ang aking harinawa ay ang matulungan ko ang aking mga magulang. Gusto kong masuklian ang lahat ng sakripisyo nila sa akin. Balang araw, gusto ko silang mapasaya, madalhan ng pasalubong galing sa ibang bansa, at mabigyan ng maginhawang buhay.