Timeline ng Grandfather Clock by MICHIE SHARIZZ MAGDASOC

Pinanggalingan ng Orasan

michiesharizzmagdasoc — 2024-10-27 09:42:27 UTC

Noong 1657, ginawa ng isang Dutch astronomer na nangngangalang Christiaan Huygens ang orasan na may pendulum sa tulong ng pag-aaral ni Galileo Galilei.

Sanggunian:

Rogers, Martha W. n.d. “Tick-Tock the Grandfather Clock.” https://www.hhhistory.com/2023/03/tick-tock-grandfather-clock.html.

Karagdagang Impormasyon: Pinaka-unang Grandfather Clock

michiesharizzmagdasoc — 2024-10-27 09:52:00 UTC

Noong 1680 naman, nalaman ng isang British clockmaker na nangngangalang William Clement na mas gumagana nang maayos ang isang orasan kapag mas mahaba ang pendulum nito. Dahil dito, gumawa siya ng orasan na mas mahaba ang katawan para sa mas mahabang pendulum. Dito nagawa ang grandfather clock na dating nangangalang "long-case clock".

Sanggunian:

Rogers, Martha W. n.d. “Tick-Tock the Grandfather Clock.” https://www.hhhistory.com/2023/03/tick-tock-grandfather-clock.html.

Karagdagang Impormasyon: Bakit ito tinawag na "Grandfather Clock?"

michiesharizzmagdasoc — 2024-10-30 09:52:55 UTC

Ang uri ng orasan na ito ay binansagan na "Grandfather Clock" dahil sa kanta ni Henry Clay Work na naisulat noong 1876.

Nangyari ang kwento dito noong bumisita si Henry Clay Work sa England. Natulog siya sa isang hotel na may malaking orasan na may pendulum. Ngunit, nalaman niya na tumigil na itong gumana pagkatapos namatay ang dating may-ari ng hotel. Sinubukan ng mga empleyado na ayusin ang orasan ngunit hindi talaga ito naaayos.

Kahit hindi alam kung may katotohanan masyado ang kwento, nabigyang inspirasyon si Henry Clay Work dahil dito at sinimulan niyang gawin ang kanta.

Sumikat ang kantang ito kaya mas tinawag na ng mga tao ang orasan ng "Grandfather Clock" kaysa sa "Longcase Clock."

Sanggunian:

Romanyuk, Inna. 2024. “Why Is It Called a Grandfather Clock?” Premier Clocks. May 9, 2024. https://www.premierclocks.com/blogs/clock-blog/why-is-it-called-a-grandfather-clock?srsltid=AfmBOoq0nQynEuFR5bJeV5CyhTh3B7qb7AZHie5u8gGTUEmW9vy5nhRV.

Karagdagang Impormasyon: Adriano at Filipino Craftsmanship in Classic Grandfather Clocks

michiesharizzmagdasoc — 2024-11-02 08:26:27 UTC

Sa Pilipinas naman, kilala ang brand na Adriano pagdating sa paggawa ng Grandfather Clock.

Nagsimula noong 1911 kay Simplicio Adriano ng Pampanga ang kumpanya ng Adriano. Naipasa naman kay sa anak ni Simplicio na si Avelino na kilala bilang "dean ng Filipino furniture makers." Saka naipasa ito sa apo na si Ricardo na kilala bilang "foremost grandfather-clock craftsman" ng Manila. Naipasa naman ito kina Alfred and Francis Adriano na apo sa tuhod. Ngayon, mga negosyante na sila na may lokal at export na negosyo sa Pilipinas.

Sanggunian:

Philstar.Com. 2010. “Tabletop Grandfather Clocks by Adriano,” October 18, 2010. https://www.philstar.com/business/2010/10/18/621501/tabletop-grandfather-clocks-adriano.

Karagdagang Impormasyon: Katangian ng Adriano na Grandfather Clock

michiesharizzmagdasoc — 2024-11-02 08:30:20 UTC

May karaniwan na mga katangian ang Adriano na Grandfather Clock tulad ng (1) gumagalaw na pendulum, (2) solid-brass weight na palamuti, at (3) quarterly at oras-oras na strike gamit ang Westminster chime.

Mayroon din na (4) handcrafted na cabinet na gawa sa Philippine hardwood sa mga orasan na ito.

Sanggunian:

Philstar.Com. 2010. “Tabletop Grandfather Clocks by Adriano,” October 18, 2010. https://www.philstar.com/business/2010/10/18/621501/tabletop-grandfather-clocks-adriano.

Karagdagang Impormasyon: Orasan para sa lahat ng Henerasyon

michiesharizzmagdasoc — 2024-11-02 08:37:30 UTC

Sinasabi na ang Adriano mini Grandfather Clock ay isang perkpekto na regalo para sa mga tao na nasa korporasyon o kaya naman isang klasikong orasan na pwedeng ipasa sa susunod na henerasyon sa pamilya.

Sanggunian:

Philstar.Com. 2012. “Mini Grandfather Clocks: Unique Corporate Gifts,” November 16, 2012. https://www.philstar.com/lifestyle/shopping-guide/2012/11/16/867064/mini-grandfather-clocks-unique-corporate-gifts.

Unang Kabanata: Bagong Bahay, Bagong Buhay

michiesharizzmagdasoc — 2024-11-04 14:08:38 UTC

Para sa karamihan, nangangahulugang bagong mga bibilhin na kasangkapan kapag may bagong bahay. Siyempre, kasama na rito ang paghahanap ng magandang orasan na titingnan ng pamilya sa bawat oras.

Balak ilagay ng malaking pamilya ang orasan sa may salas para makita ng lahat ang kamay ng orasan na magdidikta ng bawat minuto sa kanilang buhay. Dahil dito, napagpasyahan na Grandfather Clock na lang ang bilhin.

Pangalawang Kabanata: Tunog ng Tuwa

michiesharizzmagdasoc — 2024-11-04 14:16:41 UTC

Bago sumapit ang pasko, niregaluhan ng Grandfather Clock ang pamilya ng tiyuhin na nagtatrabaho sa isang korporasyon.

Sa Grandfather Clock na ito, nakatatak ang pangalan na Adriano kaya naman natuwa si Lolo. Naging kaguluhan ang klasiko at maganda nitong anyo sa pamilya. Mas lalong natuwa ang mga bata kapag tumutunog ang orasan sa dahil sa Westminster chime.

Pangatlong Kabanata: Oras na para sa Kwentuhan!

michiesharizzmagdasoc — 2024-11-04 14:25:25 UTC

Habang tumatagal, sa salas nangyayari ang kwentuhan ng pamilya. Kaagad na pumupunta ang mga bata sa may salas kapag sumasapit ng alas-otso sa Grandfather Clock dahil senyas ito na nasa salas si Lolo at handa na siya makipagkwentuhan sa kaniyang mga apo.

Kapag tumunog naman ang Grandfather Clock kapag alas-onse, kaagad na sinasabihan ni Lolo na matulog na ang kaniyang mga apo dahil may pasok na siya.

Naging tradisyon ito ng pamilya simula ng nagkaroon ng Grandfather Clock.

Pang-Apat na Kabanata: Tanda ng Panahon

michiesharizzmagdasoc — 2024-11-04 14:46:11 UTC

Sa bawat galaw ng orasan, tumatanda rin ang mga anak na dating pinagmamasdan ang Grandfather Clock ng may hanga sa kanilang mga mata. Kung dati ay sinasabi nito ang oras kung kailan dapat matulog na ang mga anak, ngayon, sinasabi nito kung anong oras dapat umalis ang mga anak para magtrabaho.

Habang mas bumibilis ang buhay ng mga anak dahil sa mga demanda ng mundo, mas bumabagal ang pag-usad ng Grandfather Clock dahil sa paglipas na rin ng matagal na panahon.

Panglimang Kabanata: Orasan ng Bawat Henerasyon

michiesharizzmagdasoc — 2024-11-04 14:57:19 UTC

Nang nagkaroon ang apo ni Lolo ng pera para bumili ng sariling bahay, pinamana sa kaniya ang Grandfather Clock.

Sa bagong bahay, natuloy ang tradisyon ng kwentuhan noong nagkaroon ng sariling anak ang pamilya ng apo ni Lolo. Ngunit, napansin ng apo na hindi pareho ang pakiramdam dahil naiwan sa dating bahay si Lolo.

Noong lumipat din ng bahay, mas nagkakaroon ng depekto ang Grandfather Clock kaya pinaayos ito kaagad. Dahil naayos kaagad, napatuloy pa rin ang tradisyon ng kwentuhan sa salas sa bagong pamilya.