Komz a reer eus erlec'hiañ pa vez an ostilh niverel lakaet e-lec'h an ostilh hengounel, hep degas fonksionelezhioù  (fonctionnalités) ouzhpenn.

Setu ar pezh a c'hoarvez pa vez implijet ur  skridtreterezh get  e fonksionelezhioù skrivañ hepken get  ar skoliad.

Get ar cheñchamant  skor (support)-se  e c'hell ar skolidi en em ober ouzh an niverel, met e implij a chom diazez.  

Komzet e vez eus «  augmentation »

Komz a reer eus kresk pa vez implijet gant ar skolidi ar reizher reizhskrivadur pe an fonksionelezhioù pajennaozañ da skouer.

An niverel a zegas neuze fonksionelezhioù  na oa ket get an ostilh hengounel.

Ar c'hresk hag an erlec'hiañ a zo derezioù gwellaat. An ostilh niverel a aesa ar c'hompren pe an arloañ, met ne cheñch ket labourioù ar skolidi.

An daou zerez da-heul a zo anvet treuzfurmadur.

Doareoù nevez da labourat a zeu war wel hag a greñva an efed pedagogel.

Komzet e vez eus «  modification »

Komz a reer eus kemmadur pa ro an ostilh niverel an tu da lakaat e pleustr oberoù diaes-kenañ hepañ.

Evit skrivañ o c'hontadenn, ar skolidi a c'hell implijout ur skrid rannet enlinenn da skouer. Pep hini a c'hell mont e-barzh pa gar, gwelet degasadennoù ar re all hag eskemm gete.

C'hwi a c'hell ivez lakaat notennoù hag evezhiadennoù warnañ. An ostilh a zo ul lodenn glok eus argerzh (processus) seveniñ al labour hag an eskemmoù etre ar c'helenner hag ar skolidi a zo kemmet.

Komzet e vez eus « redéfinition »

An derez diwezhañ eo an adtermenañ. Da skouer, pa ginnig ar c'helenner d'ar skolidi dastum o c'hontadennoù en ul levr niverel. Ar skolidi a c'hell pinvidikaat o labour get skeudennoù, trouz ha divizoù enrollet. Implij an niverel a adtermen neuze ar raktres diwezhañ.

Ar skoliad a zeu da vout produour gouiziegezhioù ha danvezioù, lakaat a ra e pleustr barregezhioù krouiñ, kenlabourat ha kehentiñ.

E-keñver an adtermenañ, an efed pedagogel a zo kreñv-kenañ.

Get an niverel, ne reer ket hepken erlec'hiañ implij : kreskaat a reer anezhe, kemmañ a reer anezhe, adtermenañ a reer anezhe !