Sa kabilang banda, nalulungkot ako sapagkat may mga kakulangan pa rin akong hindi kayang punuan at nahihirapan pa ring unawain magpasa-hanggang ngayon. Ang mga hindi maunawaang aralin ay maituturing kong susi sa marikit at paunti-unting pagbabago at pagyabong ng pangunahing kaalaman.

Bilang mag-aaral, hangad ko ang matayog at mayamang karunungan ng lahat. Puspusan man ang mga suliraning pumapaloob ay naniniwala ako sa kakayahan ng bawat isa sa atin, mahalaga ang mga aralin at asal na itinuro ng asignaturang ito sa atin. Kayaʼt sa susunod at huling taon natin sa Sekondarya ay pagbutihin pa natin lalo at yakapin ang mga aral at karunungang ibinahagi sa atin ng Ekonomiks.

Sa huling pagsusulit na darating, ay nais kong ibigay ang aking buong makakaya, buong kumpiyansa at tiwala sa sarili, maging ang pagkatutong pinauunlad ng iilan sa atin. Ipinapangako ko na pagbubutihin at dadalhin ko ang mga aral at asal na itinuro sa akin ng aking guro at gurong-taga pagsanay sa asignaturang ekonomiks.

Ikinagagalak kong malaman na ang pagtatayang ito ay isa sa mga naging kasiyahan ko sa markahang ito, dito ko napagtanto na hindi naman pala ganoon kahirap aralin at matutuhan ang bawat parte ng Ekonomiks, sadyang mababa lamang talaga ang interes ng mga iilan sa asignaturang ito. Gayunpaman, masayang-masaya akong makita ang mga pagbabago ko mula unang markahan hanggang sa huling markahang ito. May espesyal na parte sa akin ang bawat aralin at gawaing naiatas sa akin, dahil malaki ang epekto nito sa aking mga ambisyon at sariling interes.

Sa kabilang banda nalulungkot ako dahil ang mga ito ay hindi na masusundan pa at hindi na ako makababawi pang sa susunod. Ngunit dahil dito ay alam ko na ang aking mga kahinaan at kalakasan sa tulong ng mga pagsusulit sa buong asignatura. Kayaʼt ipinagpapasalamat ko sa lahat ng mga nakasama at katulong kong bumuoʼt matapos ang markahang ito, maging sa paglipat muli sa panibagong hakbang. Ito ay magsisilbing paalala sa akin na maging matagumpay at ipagpatuloy ang mga bagay na sa tingin moʼy hindi mo kaya.

Ipinapangako ko na tutuparin ko ang lahat ng mga pangakong aking binitawan sa bawat repleksyon na aking pinanghahawakan. Lubos akong nagagalak sa pagkakaroon ng ganitong mga marka at sanaʼy madala ko ang mga natutuhan ko sa susunod na mga hakbang in.