Sekuentzia didaktikoak, nire gelakideak azaldu duten moduan, testu generoak erabiltzeko balio duen tresna bat da. Sekuentzia didaktikoa, haurren interesetatik abiatzen da, hau da, haurren errealitatearekin lotura zuzena daukala esan dezakegu. Beraz, egoera erreal batetik abiatzea ezinbestekoa da, haurraren interesa pizteko eta motibazioa sustatzeko.

Sekuentzia didaktikoa hainbat ezaugarri ditu: aurretestua, jarduerak, ondotestua eta kontrol zerrenda. Aurretestua, ikasleak sortzen du, hau da, ikasle berak egiten duen testua izango litzateke. Jarduerak, aurretestua egin ondoren, irakasle berak ikusiko du, ikasleak zer dakien edo zer ez eta horren arabera, ekintza edo jarduera ezberdinak planteatuko ditu. Ondotestua, ikasleak egindako azken ekoizpenari erreferentzia egiten dio. Azkenik, kontrol zerrenda daukagu, bertan prozesu osoa ebaluatuko da, hau da, ebaluazio jarrai bat deritzoguna. Irakasleak planteatutako saio bakoitzean, kontrol zerrendaren zati bat egongo da.

Ondo izan!!
(CRISTINA RAN)

 

Sekuentzia didaktikoa egoera erreal eta egunerokotasunean oinarritzen den baliabide didaktikoa da eta honek hainbat ezaugarri ditu: 

1- Aurretestua: ikasleek egindako testuak dira eta ikasleek sortutakoak dira.

2- Jarduerak: irakasleak berak ikusiko du ikasleek zer dakiten (aurretestua kontuan hartuta) eta honen arabera jarduerak antolatuko ditu.

3- Ondotestua: ikasleek egindako azken ekoizpena da.

4-    Kontrol zerrenda: prozesu osoa ebaluatuko da (ebaluazio jarraia).

Beraz, gogoratu beharrekoa: egoera erreal batetik abiatu behar gara, helburu argi bat daukagu eta egoera komunikatibo bat dugu.

Ondo izan talde!
ANE CORNELIA

·         Aurretestua: Ikasleek sortzen dute, ikasleen aurrezagutzak ikusita irakasleak hauek dituzten zailtasunak ikusiko ditu eta zailtasun hauek lantzeko ariketak prestatuko ditu.

·         Jarduerak: Ikasleen zailtasunak lantzeko prestatzen diren ariketak dira.

·         Ondotestua: Ikasleek sortzen dute, hemen ikasleek jarduerak burutu eta gero lortu dituzten hobekuntzak ikusiko dira. Helburuak ze mailaraino lortu diren eta oraindik ikasleek dituzten premiak ikusiko dira.

·         Kontrol zerrenda: Ikasleek eta irakasleek batera ekoizten dute. Saio guztietan zehar ikasitakoa zerrendara  gehitzen joango da gero guztiarekin ondotestua osatzeko.

Sekuentzia didaktiko bakoitzak  egoera komunikatibo bati aurre egiten dio, ikasleentzat esanguratsua dena. Sekuentzia didaktiko bakoitzean  testu-molde bakarra landuko da. Testu molde desberdinak erabili ahal dira baina bakarra landu.

NEREA ROMERO

Abiapuntua,  haurren errealitateko arazo batetik abiatzen da eta egoera komunikatibo esanguratsuak proposatzean oinarritzen da. Bertan, ikasleen zailtasunak topatzeko galderak erabiltzen dira eta ikasleen aurrezagutzak jasotzen dira ondoren aurretestuari hasiera emateko.

Aurretestuan, ikasleari ekoizpen bat eskatzen zaio. Ekoizpen horretan, ikasleek agertzen dituzten zailtasun eta beharrak ikusten dira eta horrek, hobetu beharreko alderdiak lantzeko aukera ematen digu.

Ondoren, sekuentzia didaktikoaren garapen fasea ematen da, hau da, moduluka banatzen diren jarduerak proposatzen dira, betiere, ikasleek agertu dituzten zailtasunak kontutan izanda.

Ondotestura iritsi aurretik, ebaluazioa hartzen da kontutan eta honetarako, kontrol-zerrenda erabiltzen da. Hau, ikasleek eta irakasleek zehazten dute eta azken ekoizpena sortzeko kontutan izan behar diren gauza garrantzitsuek osatzen dute. Ebaluazio jarraia da, eta beraz, prozesu osoan zehar ematen da.

Azkenik, ondotestu bat ematen da, hau da, jarduerak landu ondoren, azken ekoizpena egiten da, landutako guztia biltzen duena (hizkuntza formak, hiztegia, testu antolatzaileak…)

Sekuentzia didaktiko batek egitura zehatz bat izateaz gain, beste hainbat ezaugarri ere bete behar ditu. Motibagarria behar du izan, beraz, garrantzitsua izango da haurren errealitatetik abiatutako sekuentzia didaktikoa izatea.

Motibagarria izateaz gain, ezinbestekoa da helburu zehatz batekin egitea, alegia, hartzaile jakin bati zuzendua egon behar da. Honek esan nahi du, hartzailea nor den kontutan izan behar dugula eta egoera horrek eskatzen digun egitura bete beharko dugula.

ANA MARTINEZ

Nire ikaskideak egin duten bezala, sekuentzia didaktikoaren eta bere egituraren laburpen bat egingo dut. Nire ustez sekuentzia didaktikoa egoera erreal bati erantzuten dio eta eskola eremuan lantzen da. Mintegian esan genuen bazela SD egitura hau da: Proiektuaren aurkezpena, aurretestua, jarduerak eta kontrol zerrenda, ebaluazioa eta ondotestua. 

Proiektuaren aurkezpena: Irakasleak SDa aurkeztu, egoera komunikatibo erreal batetik abiatuta eta ikaslearentzako esanguratsua dena.

Aurretestua: Ekoizpena berbera izan behar da aurrestuan eta ondotestuan. Zer dakite egiten ikasleek eta oztopoen identifikatu.

Jarduerak: Jarduerak egiteko aurretestuan identifikatutako oztopoei aurre egin behar diegu eta azken ekoizpena kontuan hartu behar dugu.

Kontrol zerrenda eta Ebaluazioa: Kontrol zerrenda ikasleekin adostu behar da hasieran eta ebaluatzerako orduan autoebaluazioa, koebaluazioa eta heteroebaluazioa hartu beharko dugu kontuan.
Ondotestua: Azken ekoizpena. zer ikasi du ikasleak aurretestutik, ondotestura.

Ondo izan talde!!

Leire Martin

 

Dagoeneko ongi azaldu due zer den sekuentzia didaktiko bat, baita zein ezaugarri eta fase dituen ere. Beraz, laburpen antzeko bat egingo dut ideia garrantzitsuenak aipatuz. Sekuentzia didaktikoa, egoera erreal batetik abiatzen den baliabide didaktikoa da. Hare gehiago, testu generoak lantzeko erabiltzen den tresna da. Sekuentzia didaktiko bakoitzean testu genero bat LANDU daiteke, nahiz eta bat baino gehiago ERABIL daitezkeen. Hainbat ataletan egituratzen da: aurretestua (ikasleek aurrezagutzetatik eraikitakoa), garapena (diseinatutako jarduerak), ondotestua (haurrek ezagutza berriekin eraikia) eta azken gogoeta (prozesuan zehar irakasle eta ikasleen artean eraikitako kontrol zerrendan oinarrituz).

Besterik gabe,

Alex Ugalde