پھل فروش اور گاہک کے درمیان مکالمہ

گاہک: جناب کیسے ہیں!

پھل فروش:خدا کا شکر ہے،آپ سنائیں کیسے ہیں!

گاہک: آج تو پھل بہت سجا کر لگائے ہیں۔

پھل فروش:جی جناب جب پھل سلیقے سے نہ رکھے ہوں خریدار توجہ نہیں دیتا

گاہک: اچھا تو سیب کیا بھاو ہے

پھل فروش:جناب سیب چار سو روپے کل بک رہا ہے کیلن چوں کہ آپ پرانے گاہک ہیں اس لیے آپ کو ساڑھے تین سو کے کلو تول دوں گا

گاہک: اوہ اتنے مہنگے اور اوپر سے احسان بھی جتا رہے ہیں آپ۔

پھل فروش:جناب آپ مارکیٹ سے پتہ کر لیں ہر جگہ یہی نرخ ہے۔

گاہک: نہیں بھئی آپ جائز قیمت بتائیں ابھی پچھلے دنوں میں ڈیڑھ سوکے کلو لے کر گیا تھا۔

پھل فروش:جناب آپ کو پتہ ہے اس وقت پیٹرول کے نرخ کیا تھے۔اب تو تیل کی قیمتوں میں بھی بہت اضافہ ہو گیا ہے۔

گاہک: ارے بھائی مجھے تو یہ سمجھ میں نہیں آتا کہ لوگ ہر شے کی مہنگائی کا تعلق ڈیزل،پٹرول سے جور دیتے ہیں۔اب سیب کی قیمت کا سیب کے نرخ کے سے کیا تعلق ہے۔

پھل فروش:جناب آپ بات سمجھنے کی کوشش کریں۔جن گاڑیوں پر پھل لاد کر لایا جاتا ہے وہ بھی تو پٹرولیم ہی سے چلتی ہیں۔

گاہک: اچھا چھوڑین یہ بتائیں کہ آم کا کیا بھاو ہے۔جناب آم کا نرخ آج کل تیز چل رہا ہے آپ اس طرح کریں آڑو لے لیں۔

گاہک: آڑو تازہ تو نہیں لگ رہے

پھل فروش:جناب ابھی کریٹ کھول کر سجئے ہیں۔وہ دیکھیں سامنے ہی کریٹ رکھا ہے۔

گاہک: کیا نرخ ہے آڑو کا

پھل فروش:تین سو روپے کلو

گاہک: آپ کے تو نرخ ہی آسماں سے باتیں کر رہے ہیں۔

پھل فروش:اچھا چلیں یوں کریں کہ آپ اڑھائی سو روپے کلو کے حساب سے لے لیں

گاہک: نہیں بھائی مجھے تو ڈیڑھ سو روپے کلو چاہیے۔اگر مرضی ہو تو چار کلو تول دیں۔

پھل فروش:اچھا آپ روز کے خریدار ہیں ۔آپ کے لیے دوسو کے حساب سے تول دیتا ہوں اب بات نہ کیجے گا ۔یقین کیجے اتنے میں تو گھر پڑتا ہے۔

گاہک: اچھا چلیں تول دین اور کسی اچھے سے شاپر میں ڈالیے گا۔پچھلے دنوں بھی شاپر راستے میں پھٹ گیا تھا۔

پھل فروش:نہیں جناب اب ہم شاپر استعمال نہیں کرتے۔حکومت جرمانہ کردیتی ہے۔اب کاغذ کے شاپرہیں۔وہی استعمال کرتے ہیں ۔

گاہک: اچھا چلیں اسی میں ڈال دیں

دکان دار:لیکن اس کے بیس روپے آپ کی علیحدہ ادا کرنا پڑیں گے۔

گاہک: یہ کیا بات ہوئی

بس جناب یہ بہت مہنگے ہیں۔دکانداریہ مفت فراہم نہیں کر سکتے۔

گاہک: اچھا چلیں ٹھیک ہے۔اور پھر سیب دینے ہیں تو تین سو کلو کے حساب سے تول دیں۔

پھل فروش:جناب آپ ہمارے پرانے گاہک ہیں اگر گنجائش ہوتی تو پہلے ہی دے دیتا۔

گاہک: بھائی کچھ رعایت تو کریں

دکان دار:اچھا آپ بضد ہیں تو سوا تین سو کے حساب سے تول دیتا ہوں۔

چلیں پھر دو کلو دے دیں ۔

پھل فروش:جی بہت اچھا جناب!

گاہک: ہاں ذرا اچھے اچھے دینا یہ نہ ہو کہ گلے سڑا سارا مال تول دو

پھل فروش:جناب پہلے کبھی آپ کو شکایت کا موقع دیا ہے۔آپ سے تو گھر کی بات ہے۔

گاہک: اور پھل تول کر ذرا پاس ہی رکھ دیں میں ساتھ والی دکان سے ترکاری خرید کر آتا ہوں۔

پھل فروش:جی بہت بہتر جناب

گاہک: ہاں یہ رقم لے لیں

بہت شکریہ۔