94300, Kota Samarahan,

Sarawak.

25 November 2023.

Nuju Kanang

Nama berita nuan, Kanang? Lama amai tua endak betemu. Aku ngarapka nuan gerai baka selama. Tuju aku nulis surat tu ketegal deka nyaut tanya nuan pasal pengalaman aku sepanjang diau ba Malaya.

     Mayuh amai cerita ti deka ditusi aku ngagai nuan. Aku diatu benung nyambung pelajar ba sebuah institusyen pelajar tinggi ba Perak. Juluk ati aku endang ari suba deka nyadi pengajar. Nya alai diatu aku nyambung pelajar dalam bidang pendidikan.

      Ba ditu, aku mayuh begulai enggau mayuh macam raban bansa. Kaban aku mayuh berbangsa Melayu, Cina enggau India. Sida sigi manah amai enggau begulai. Nyadi, ba ditu aku diau ba asrama. Penguntung ti diasaika kami maya diau dia iya nya bulih internet ti enda bebayar lalu mayuh kereta pengangkut ti bisi disediaka ngagai kami baka van enggau bas.

     Pia mega, ba ditu mayuh palan alai piknik baka Pulau Pangkor, Sungai Bil enggau lain-lain. Nuan patut bejalai nemuai ngagai aku kitu ngambika nuan ulih meda pemanah rampak menua ditu.

    Aku ngarapka tua ulih betemu dudi hari ila. Aku besampika nuan mujur ba semua pengawa ti dikerja nuan.

Ari,

  Jenang

__________

(Jenang)