Еңбек-бұл… by Нұрсәуле

2025-09-15 10:03:00 UTC

Еңбек – адамның табиғи күш-қуатын, ақыл-ойын белгілі бір мақсатқа жұмсап, материалдық және рухани құндылықтар жасауға бағытталған саналы әрекеті.

Адам өмірінде еңбек – ең басты тіршілік көзі, өйткені ол адамның өзін де, қоғамды да дамытады.

2025-09-15 10:05:27 UTC

Еңбек – бұл жай ғана әрекет емес, адамның маңдай терімен, ой-қиялымен, күш-жігерімен жасалатын іс. Еңбек адамның өмірін мәнді етіп, қоғамға пайдасын тигізеді.

Халық даналығында: «Еңбек – ер атандырады», «Еңбектің наны тәтті» деп бекер айтылмаған. Себебі еңбек еткен адам ғана жетістікке жетеді, өзінің еңбегінің жемісін көріп, шынайы бақытқа кенеледі. Еңбексіз өмір – мәнсіз, ал еңбекпен өткен күн – берекелі.

2025-09-15 10:06:12 UTC

Еңбек- бұл таза термен келген іс. Еңбек ету арқылы адам дамып отырады

2025-09-15 10:08:47 UTC

Еңбек – адамның тіршілігінің өзегі . Мысалы, таңертең ерте тұрып, бір іс тындырсаң, соның ләззаты бөлек болады. Еңбек қылсаң, жемісін де көресің. Халықтың «Еңбек етсең, емерсің» дегені тегін айтылмаған. Жалқау жүрсең, ішер асқа да жарымайсың. Ал еңбекқор болсаң, өзіңді ғана емес, отбасыңды да асырайсың. Қысқасы, еңбек – адамның абыройы мен қуанышының кілті.

2025-09-15 10:09:43 UTC

Еңбек еткен ерінбей,

Тояды қарның тіленбей.

2025-09-15 10:17:34 UTC

«Еңбек деген не мен үшін?» деген сұраққа жауап әркімнің өмірлік тәжірибесіне, құндылықтарына байланысты болады. Жалпы тұрғыда еңбек туралы былай айтуға болады:

Еңбек – табыс көзі. Ол арқылы адам өз тұрмысын жақсартып, отбасының қажетіне жаратады.
Еңбек – өзін-өзі дамытудың жолы. Қолданған күш-жігер, білген білім тәжірибеге айналып, адамның тұлға ретінде қалыптасуына ықпал етеді.
Еңбек – қадір-қасиеттің өлшемі. «Еңбегі бардың – өрнегі бар» дейді халық. Адал еңбектің арқасында адам қоғамда сый-құрметке ие болады.
Еңбек – шыдамдылық пен табандылық мектебі. Ол адамның мінезін шыңдап, сабырлы, қайратты болуға үйретеді.
Еңбек – бақыт кілті. Кісінің жетістігі мен қуанышының түп негізінде еңбектің жемісі жатыр.