1. MODULUA

   Zereginaren 1. urratsa

   Zereginaren 2. urratsa

2. MODULUA

   Zereginaren 1.-2. urratsak

   Zereginaren 3.-4. urratsak

3. MODULUA

   Zereginaren 1. urratsa

Gogoetak

Hala ere, horietako bakoitzean klikatuta aukera izango duzu zereginera zuzenean heltzeko.

Eta horiek jorratze bidean, arazo-egoerak edo ikas egoerak (deitu nahi bezala) ikasleak banaka zein taldeka ebaluatzeko lan tresna egokia dela iruditu eta iruditzen zait.

Izan ere, edukietaz harago, ebaluatzeko izaera etengabea ematen dit eta, era berean, landutako ezagutza eta gaitasun horiek beste testuinguru batean islatzeko, banaka zein taldeka; konpetentziala. Eta, tresna eta dinamika egokiekin, bakoitzaren beharizanetara egokitu daiteke.

Ikas egoerak aukera ematen dit klasean ordura arte ikasitakoak martxan jartzeko eta ebaluatzeko, baina baita klasekoetatik harago heltzeko, aplikagarritasunean sakontzeko.

Adibidez, batxilergo 1. mailan matematikan, zenbaki konplexuen adierazpen polarrarekin lan egiten ikasi behar dute, bere zentzua eta praktikotasuna ulertuz, baina baita nola lotu daitezkeen bere aldagaiak funtzio grafikoetan, loreak eta antzeko irudi kreatibooak diseinatuz eta irudi horietan ematen diren aldaketak hausnartuz, ulertuz eta aplikatuz

Ebaluazio horretarako, bi tresna erabiltzen ditut beti, baina erantsitako errubrika izaten da nire erreferente nagusia. Bestea, aurrerago aipatuko dut. Errubrika hori pdf batean helarazten diet eta, era berean, Teams-eko zereginean, ebaluatzeko tresnetan, errubrika erabiliko dut eurei ebaluazioa itzultzeko. Baina atzeraelikadurarako egingo diedan bideoa pdf-ko errubrikan oinarrituko dut, erosoago senti daitezen.

Tresna bera kualitatiboa izan bada ere, kuantitatibatu ere egiten dut. Batetik, aldez aurretik ondo eta txarto zer dagoen jakin dezaten eta, era berean, gaitasuna bera zertan datzan jakin dezaten; bestetik, irizpide horiek zenbat beste bete dituzten jakin dezaten.

Errubrikak berak jakinarazten dizu zertan hobe dezakezun bidean, baina, errubrikarekin bat, errubrikan ganoraz bete gabeko irizpideei buruzko hausnarketa bana itzuliko diet, bideotutorial formatoan.

TALDE LANA EBALUATZEKO FITXA izeneko fitxarekin egin izan dut beti autoebaluazioa eta koebaluazioa, baina inoiz ez diet idatziz esplizitatu ikasleei zer egiten dudan euren erantzunekin, nahiz eta nik nire barne prozedura propioa dudan. Ez dut nahi nire erabakiek euren erantzunak baldintza ditzaten, erantzun puruak, benetakoak nahi ditut.

Funtzio polarren ikas egoerarekin ere fitxa hori bera erabiliko dut, jarduerarako eskatutako produktuak jaso ostean.

Bakoitzaren kalifikazioaren parte handiena errubrika horretan datza, baina euren auto+koebaluazioek banakako kalifikazioa zehatzago definitzen dute, batzuren kasuan kalifikazioa jeitsiz eta beste batzuren kasuan jeitsiz.

Bi hirukote ebaluatu ditut, baina bigarren hirukoteak ez du garaiz aurkezpen bideoa egin. Hori atzeraelikaduran adierazi dut.

Bi taldeen atzeraelikadura bideo bakarrean editatzeko, clideo onlineko editorea erabili dut.