நாம் பார்த்துப் பார்த்து பாதுகாத்தப் பொருள் பிறரின் உடமையாகும் போது நம் மனம் பதைபதைக்கும். அதை வார்த்தைகளில் விவரிக்க முடியாது. கொடுத்தவர் கூறலாம் வேறொன்றை வாங்கிகொள் என்று. வாங்கிகொள்ளலாம் ஆனால் அது எனக்கு மிகவும் பிடித்தவர் நான் மிகவும் மதிப்பவர் கொடுத்தப் பொருளுக்கு ஈடாகுமா?

ஆனால் போனதைப் பற்றியே நினைத்துக்கொண்டிருந்தால் அமைதி கெடும். எனவே மனத்தைத் தேற்றிக்கொண்டு நம் அன்றாட பணிகளில் ஈடுபட முயற்சிக்க வேண்டும். ஒன்று நம்முடையது இல்லை என்ற போதில் அதையே நினைத்துக்கொண்டிருந்தால் மனம் கெடும் அதன் விளைவாக உடலும் நோய்க்கு உள்ளாகும். இவற்றைத் தவிர்க்க தைரியத்துடன் நம் காரியங்களைச் செய்ய வேண்டும்