أول شيء: لما تفتحين المحاكاة بتلقين قدامك أدوات للتحكم:

• إضافة بروتونات (شحنة موجبة +).

• إضافة نيوترونات (بدون شحنة).

• إضافة إلكترونات (شحنة سالبة -).

طريقة البناء:

1. نختار أول عنصر نبغاه.

خلينا نبدأ مثلًا نبني عنصر الهيليوم (He):

• عدد البروتونات = 2 (علشان الهيليوم).

• عدد النيوترونات = 2 (ممكن تزيد أو تنقص حسب النظير، بس الطبيعي 2).

• عدد الإلكترونات = 2 (علشان يكون متعادل كهربائيًا).

وش يصير؟

• العنصر يتعرف عليه إنه هيليوم He.

• العدد الذري = 2 (يساوي عدد البروتونات).

• الكتلة الذرية تقريبًا = عدد البروتونات + عدد النيوترونات = 4.

2. نبني عنصر ثاني.

خلينا نبني مثلا عنصر الليثيوم (Li):

• عدد البروتونات = 3.

• عدد النيوترونات = 4 (ممكن 3 أو 4 حسب النظير، ناخذ 4 هنا).

• عدد الإلكترونات = 3.

  وش يصير؟

• العنصر يتعرف عليه إنه ليثيوم Li.

• العدد الذري = 3.

• الكتلة الذرية تقريبًا = 7

المعادلة الأولى:

مثال بسيط موجود داخل المحاكاة:

H₂ + O₂ → H₂O

خطوات الوزن:

1. شوفي عدد ذرات الهيدروجين (H):

• يسار (المتفاعلات): 2 ذرات هيدروجين

• يمين (النواتج): 2 ذرات هيدروجين (موجودة بداخل جزيء H₂O واحد)

2. شوفي عدد ذرات الأكسجين (O):

• يسار: 2 ذرات أكسجين (O₂)

• يمين: في جزيء ماء واحد H₂O فيه ذرة أكسجين وحدة بس

3. نضبطها:

• نضرب الماء H₂O × 2 عشان يصير فيه ذرتين أكسجين.

بعد التوزين تصير المعادلة كذا:

2H₂ + O₂ → 2H₂O

كده اتوازن:

• 4 ذرات هيدروجين في الطرفين

• 2 ذرات أكسجين في الطرفين

المعادلة الثانية:

مثال ثاني:

N₂ + H₂ → NH₃

خطوات الوزن:

1. نوزن النيتروجين (N):

• يسار: جزيء واحد من N₂ يعني 2 ذرات نيتروجين.

• يمين: في جزيء NH₃ واحد فيه ذرة نيتروجين وحدة فقط.

لازم نخلي عدد ذرات النيتروجين في النواتج = 2، فنضرب NH₃ × 2.

2. نوزن الهيدروجين (H):

• يسار: H₂ (جزيء فيه 2 ذرات).

• يمين: 2 جزيئات NH₃ وكل وحدة فيها 3 ذرات هيدروجين = 6 ذرات هيدروجين.

نحتاج 3 جزيئات من H₂ عشان يصيروا 6 ذرات هيدروجين.

بعد الوزن تصير المعادلة كذا:

N₂ + 3H₂ → 2NH₃

كذا صار:

• 2 ذرات نيتروجين بالطرفين

• 6 ذرات هيدروجين بالطرفين