Setu-ni un nebeud eurvezhioù a-raok vakañsoù fin ar bloaz. Emaint gortozet gant an holl moarvat war-lerc'h un trimiziad merket gant an enkadenn yec'hedel-mañ hag ar strizhadurioù a zo bet ranket talañ outo en hor skolioù.

 

A-raok ar prantad diskuizh ha festoù-mañ e fell deomp trugarekaat ac'hanoc'h, skolidi, tud a-youl vat, kerent, skolaerien, implijidi evit bezañ kemeret perzh er stourm e-kerzh ar mizioù diwezhañ. 

 

Peadra hon eus da vezañ plijet gant an nebeud araokadennoù goude mizioù a drubuilhoù hag a stourm : 

-          Embannadur ar c'helc'hlizher d'ar Yaou 16 a viz Kerzu evit suraat ar c'helenn divyezhek dre soubidigezh, diglok avat, met diskouez a ra ur gwir anaoudegezh eus hon efedusted hag eus an doujañs da emouestl an holl abaoe ouzhpenn 40 vloaz. Gant ar c'helc'hlizher-mañ e c'hellomp kenderc'hel seder gant hor c'hefridi treuzkas ar brezhoneg dre soubidigezh.

-          Asant prefetioù ar 5 departamant da ambroug ac'hanomp pe da resisaat an doare da reiñ ar skodennoù skol, goude bezañ bet stourmet asambles e miz Here. Kregiñ a reomp da welout sinoù pozitivel gant divizoù tiez-kêr a ya war an tu mat. 

-          Savadurioù nevez evit lise-skolaj Gwened zo un ostilh pedagogel kaer ha dedennus. 

 

Labourat a reomp ivez gant hor c'hevelerien bublik lec'hel evit ma c'hello kaout ar rouedad peadra da ambroug ar gwellañ posupl ar skolioù, ar skolaerien hag an implijidi, ar skolidi ha tud a-youl vat. Gant-se e vimp emouestlet gwelloc'h c'hoazh er raktres ha kreñvoc'h vo an diazezoù evit hon diorren. 

 

Teulioù a rankomp evezhiañ avat :

-          En emglev Stad Rannvro e kaver ennañ ar palioù hag ar peadra evit dont a-benn d'hor c'hefridioù. Hiziv an deiz e kav deomp emañ ar stad o klask daleañ an traoù.

-          Digeriñ skolioù nevez diouzh strizhadurioù al lezenn Gatel, evel raktres Gwinieg Breizh e Liger-Atlantel. 

 

Gant hor spered digor, kevelour ha kengret e kasimp an diviz war dachenn Bro C'hall ha labourat a raimp asambles gant ar strolladoù Evit Ma Vevo Hor Yezhoù hag Eskolim rouedadoù ar skolioù dre soubidigezh. Kas a raimp ar sujedoù-mañ e-barzh divizoù an dilennadegoù prezidantelezh ha kannaded evit bezañ anavezet muioc'h c'hoazh ha kaout muioc'h a beadra evit treuzkas ar yezhoù rannvro, teñzorioù hor broioù.  

 

Gant se e rankimp en em stardañ holl asambles adarre evit bezañ gwelet ha klevet evel m'hon eus graet meur a wech ar bloaz-mañ hag a zo bet stourmoù frouezhus.

 

Da c'hortoz an degouezhioù-mañ e hetomp deoc'h holl gouelioù laouen. Profitit mat ha kemerit preder ganeoc'h. Spi hon eus gwelet ac'hanoc'h en ho kwir gwellañ ar bloaz a zeu evit an holl raktresoù da zont. 

 

Penn-bloaz laouen ha betek an trec'h !

 

Burev Diwan 

 

 

 

 

Nous voilà à quelques heures des vacances de fin d'année. Ces vacances sont sans doute, nous le supposons, très attendues après un trimestre encore marqué par cette crise sanitaire et les contraintes que cela a imposé dans nos établissements.

 

Avant cette période de repos et de festivités, nous tenions à vous remercier, élèves, bénévoles, parents, enseignants, personnels, pour votre investissement de ces derniers mois.

 

Nous pouvons nous réjouir collectivement de plusieurs avancées après ces mois de turpitude et de mobilisation : 

-          La publication ce jeudi 16 décembre de la circulaire attendue, offrant une sécurisation de l'enseignement bilingue par immersion, relative certes, qui témoigne surtout d'une vraie reconnaissance de notre efficacité et du respect de l'engagement de toutes et tous depuis plus de 40 ans. Cette circulairenous permet de poursuivre sereinement notre mission de transmission par immersion de la langue bretonne.

-          L'obtention d'engagement des préfectures des 5 départements de nous accompagner ou précisant les modalités de versements des forfaits scolaires, après vos mobilisations du mois d'octobre. Nous commençons à voir des signes positifs avec des délibérations de mairies qui vont dans le bon sens.

-          De nouveaux locaux pour le lycée-collège de Vannes, qui offrent un bel outil pédagogique et d'attractivité.

 

Nous travaillons également avec nos partenaires publics locaux pour que le réseau puisse disposer de nouveaux moyens pour accompagner au mieux les établissements, les enseignants et personnels, les élèves et bénévoles, permettant un engagement plus enrichissant et offrant des bases consolidées pour notre développement

 

Il reste cependant quelques dossiers que nous devons surveiller :

-          La convention Etat-Région, qui décrit les objectifs et les moyens alloués pour nos missions. A cette date, l'Etat semble encore jouer la montre.

-          L'ouverture de nouveaux établissements contraint par la Loi Gatel, comme le projet sur Vigneux-de-Bretagne en Loire-Atlantique.

 

Avec notre esprit d'ouverture, de coopération et de solidarité, nous allons également œuvrer au niveau national avec les collectifs Pour Que Vivent Nos Langues et Eskolim, réseaux des écoles immersives. Nous allons porter les sujets dans le débat des élections présidentielles et législatives pour encore plus de reconnaissance et de moyens pour transmettre les langues régionales, trésors de nos territoires.

 

Ces sujets demanderont sans doute de nous mobiliser pour nous faire voir et entendre comme nous l'avons fait à plusieurs reprises cette année, mobilisations qui ont porté leurs fruits.

 

En attendant ces échéances, nous vous souhaitons à toutes à tous de bonnes fêtes de fin d'année. Profitez bien et prenez soin de vous. Nous espérons vous retrouver en pleine forme l'année prochaine pour tous les projets à venir.

 

Penn-bloaz laouen ha betek an trec'h !

 

Le bureau de Diwan

 

 

 

Ar rouedadoù kevredigezhioù (Diwan, Divyezh Breizh : Kevredigezh rannvro tud ar skolidi evit ar c'helenn ar/e brezhoneg er skolioù publik, Divaskell Breizh : rouedad ar c'hevredigezhioù Dihun tud ar skolidi er skolioù divyezhek katolik, Kelennomp ! : kevredigezh ar gelennerien e brezhoneg, Kevre Breizh : kenurzh sevenadurel kevredigezhel e Breizh) a c'halv d'en em vodañ dirak rektordi akademiezh Roazhon d'ar Merc'her 19 a viz Genver da 2e30.

 

Chom a ra war evezh penn-da-benn ar rouedadoù goude ar vanifestadeg e Kemper d'an 13 a viz Meurzh 2021 ma oa bet bodet war-dro 5 000 den o c'houlenn ma vefe sinet ur c'henemglev uhelek gant ar stad abalamour da skoilhoù Ministrerezh an Deskadurezh Stad.

 

Da-geñver un emvod kehentiñ d'ar 5 a viz Genver e Kemper e oamp aet drouk ennomp ouzh kinnigoù diwezhañ ar rektordi a-raok Nedeleg ha na c'heller ket degemer anezho. 

 

Cheñch a rafe penn d'ar vazh abaoe, diouzh a glever. Un toullad emgavioù zo bet etre ar rektordi ha servijoù ar rannvro, unan en o zouez etre Prezidant ar Rannvro ha Rektor Akademiezh Roazhon diwar-benn an dra-se.

 

Ret eo deomp chom war evezh evit ma vo klevet gant ar galloud kreiz ha dreist-holl gant an Deskadurezh Stad goulennoù ar bretonezed hag ar vretoned o doa diskouezet o nerzh e-pad ar vanifestadeg e Gwengamp d'an 29 a viz Mae tremenet (goude disfiz darnel al lezenn Molac gant ar c'huzul vonreizh). 

 

Evit a sell ouzh Diwan e c'houlennomp ma vo kemeret e kont dibarderioù ar c'helenn kevredigezhel dre soubidigezh evit  : 

-       Kevratañ raktal skolioù nevez ar c'hentañ hag an eil derez,

-       Kaout awalc'h a gevratoù sikouret evit an implijdi na gelennont ket, da c'hortoz ma vo lakaet e pleustr da vat ar skodenn skol,

-       Gwarantiñ paeamant skodenn skol ar c'helenn divyezhek,

-       Derc'hel padus an implijidi na gelennont ket,

-       Suraat ober ar strollegezhioù evit kinnig deomp savadurioù kelenn, 

-       Kas da benn ar c'henemglev Stad-Rannvro-Diwan meneget er gevrat evit an ober publik e Breizh. 

 

Ouzhpenn se, ret e vo resisaat an doareoù e-keñver an debarzhadur hollek a eurvezhioù (DGH), da lavaret eo an eurvezhioù kelenn brezhoneg er skolaj hag el lise hag an arnodennoù e brezhoneg kuit da vezañ forc'hellek an doare da bleustriñ gant kelc'hlizher ar 16 a viz Kerzu 2021 war ar c'helenn divyezhek.

 

Gortoz a reomp respontoù fetis d'hor goulennoù gant ar Rektor da goulz Kuzul Akademiezh ar Yezhoù Rannvro kentañ a vo dre videoprezegenn d'an 18 a viz Genver, da lavaret eo an deiz kent an tolpadeg.

 

Gant dilennadeg ar prezidant o tostaat ez eus ur riskl ma vefe stanket ur wech ouzhpenn ar c'hevraouiñ ma ne za ket buan awalc'h. Chom a ra war-dro ur pemzektez evit dont a-benn da gaout un destenn uhelek (war an diazezoù savet gant ar rannvro) evit ma vo votet da geñver emgav kentañ kuzul Rannvro Breizh e miz C'hwevrer.

 

*            *          *          

●     la contractualisation immédiate des nouveaux établissements primaire et secondaire, 

●     en garantissant la mise à disposition du nombre suffisant de contrats en emplois aidés pour les emplois non-enseignant, dans l'attente de la montée en puissance du versement du forfait scolaire, 

●     en assurant le versement du forfait scolaire de l'enseignement bilingue, 

●     en soutenant la pérennisation des emplois non enseignant, 

●     en sécurisant l'action des collectivités pour mettre à disposition les locaux d'enseignement,

●     en faisant aboutir la convention Etat-Région-Diwan mentionnée dans le contrat pour l'action publique en Bretagne.

 

Ar renerezh / La direction