Podemos ver a diferenza nos centros educativos e, máis concretamente, nas nosas clases. Pero como bos docentes, deberíamos saber identificar todos os estilos de aprendizaxe do noso alumnado e atender a cada un deles.

 

Desta forma, podemos considerar o estilo de aprendizaxe como a preferencia natural que teñen os estudantes cara á aprendizaxe. Existen tres tipos básicos: visual, auditivo e kinestésico. Co primeiro, o alumnado aprende máis cando a información se presenta visualmente; co estilo de aprendizaxe auditivo, os estudantes prestan una maior atención aos sons; e finalmente co estilo kinestésico, o alumnado aprende a través do  movemento e das actividades prácticas.

 

Para aprender, dependemos dos nosos sentidos para procesar a información que nos rodea, polo que a maioría tendemos a usar un deses sentidos máis que outros. Por iso, coñecer cales son os nosos estilos e os do noso alumnado levaranos a elixir as ferramentas máis axeitadas para obter mellores resultados.

 

Na seguinte infografía amósanse os principais estilos, as súas características e que ferramentas colaborativas podemos empregar para cada tipo deles.