MY PROPAGANDA by Sophia Isabel B. Balisoro

Pinaslang sa Gitna ng Umaga: Isang Kapitan. Isang Panawagan. (Local)

sbalisoro — 2025-07-10 00:09:41 UTC

Sa mismong puso ng ating barangay, isang lider ang pinaslang. Si Kapitan Nerio Magdaraog Brazal, habang payapang nakaupo sa kaniyang meat shop, ay walang habas na binaril ng mga hindi pa nakikilalang salarin.

Ito ba ang kapalit ng tapat na paglilingkod?
Hanggang kailan tayo mananahimik habang ang mga pinuno ng komunidad ay isa-isang binubura ng karahasan?

Hustisya para kay Kapitan Brazal!

Ligtas na pamumuno para sa mga lider ng barangay!

Katarungan para sa mga pinapatay nang walang laban!

Hinuli ang 15 Pulis, Pero Asan ang 34 Sabungero?(National)

sbalisoro — 2025-07-10 00:38:07 UTC

MANILA, Philippines (AP) — Noong 2021 hanggang 2022, 34 na sabungero ang misteryosong nawala. Ngayon, 15 pulis ang hinuli ng DOJ matapos ang pagbunyag ng isang whistleblower. Ang mga biktima, mga ama, anak, kapatid, ay tila baga nilamon ng sistema ng ilegal na sugal at bulok na kapulisan.

Kapag ang dapat nagpoprotekta sa atin ang mismong pumapatay, kanino ka pa lalapit?

Hindi ito usapin ng sabong. Ito ay usapin ng karapatang pantao, katiwalian, at kawalang hustisya.

Ilang inosenteng buhay pa ang kailangang mawala bago tayo matauhan?

Kalayaan sa Dagat: Ipagtanggol ang Boses ng Bayan sa Pandaigdigang Entablado! (International)

sbalisoro — 2025-07-10 00:57:05 UTC

Habang pinananatili ni Pangulong Marcos Jr. sa puwesto si Defense Secretary Gilberto Teodoro Jr. — isa sa mga pinaka-matapang na bumabatikos sa agresyon ng China sa West Philippine Sea, isang mahalagang hakbang din ang ginawa sa loob ng bansa:
Maj. Gen. Nicolas Torre III, ang heneral na nanguna sa pag-aresto kay dating Pangulong Duterte at kay Apollo Quiboloy, ay itinalagang bagong hepe ng PNP.

Hindi na lang simpleng balita ito, ito ay tanda ng pagkilos ng hustisya laban sa mga abusado at makapangyarihan!

Ipinapakita nito na walang sinuman ang dapat mas mataas sa batas, kahit pa sila’y dating pangulo o relihiyosong lider.

Sa gitna ng banta ng dayuhang pangingialam (gaya ng ginagawa ng China), kailangan natin ng mga lider na may prinsipyo, hindi takot.