Í Kóraskóla er lögð áhersla á teymisvinnu og teymiskennslu. Teymi kennara og annars fagfólks ber ábyrgð á undirbúningi og kennslu í hverjum árgangi. Stefnt er að því styrkja teymin enn frekar á næstu árum.

Fagaðilar úr stoðþjónustu starfa með hverju teymi.

Stuðningsfulltrúar sitja teymisfundi a.m.k. vikulega.

Húsakynni skólans verði endurhönnuð með það að leiðarljósi að þau henti sveigjanlegum og inngildandi kennsluháttum (opin rými, minni rými, færanlegur búnaður, hlýlegt og aðlaðandi námsumhverfi).

Byggt verður upp öflugt og nútímalegt skólasafn (upplýsingaver).

Starfsaðstaða verði til fyrirmyndar.

Nemendur og kennara nýti besta tækjabúnað sem fáanlegur er hverju sinni.

Áhersla er lögð á að laða að skólanum áhugasamt fagfólk sem hefur brennandi áhuga á að starfa að áherslum Kóraskóla um teymiskennslu, þemavinnu og verkefnamiðað nám og að vinna með nemendum sem þurfa á stuðningi að halda í námi.

Rækt er lögð við samráð og samstöðu leitað um mikilvægar ákvarðanir. Áhersla er lögð á að heyra raddir nemenda og foreldra og hafa þá með í ráðum.

Áhersla er á fjölbreytta kennsluhætti, virka þátttöku nemenda og skapandi starf.

Byggt er á styrkleikum nemenda og þeim gefinn mörg tækifæri í náminu til að rækta áhugasvið sín.

Námsmat byggir á hugmyndafræði leiðsagnarnáms og er í stöðugri þróun. Áhersla er á ígrundun nemenda um eigið nám, samræðu um markmið og uppbyggjandi endurgjöf.

Fjölbreytt valnámskeið eru í boði og framboð þeirra m.a. ákveðið í samráði við nemendur.

Stöðugt verður unnið að því að efla samstarf við foreldra og auka aðkomu þeirra að ákvörðunum um námsáætlanir og skólastarf. Álits foreldra er markvisst leitað og ábendingar þeirra hafðar til hliðsjónar. Að því er stefnt að foreldrar séu virkir þátttakendur í námi barna sinna.

Þess er gætt að upplýsingastreymi sé eins og best verður á kosið og að foreldrar séu sem best upplýstir um stefnu skólans og nám barnanna.

Fréttir af skólastarfinu eru reglulega birtar á heimasíðu skólans og gefin eru út regluleg fréttabréf.

Í skólanum er áhersla á að flétta hreyfingu inn í daglegt skólastarf, m.a. með því að nýta aðstöðuna í húsakynnum skólans.