Carlos Gonzalez - Entre maestros by Irati

Etorkizuna

iarbina — 2015-12-27 18:15:10 UTC

Dokumental oso interesagarria eta ona iruditu zait, ideia oso ona eduki zuen Carlos Gonzalezek eta gainera, gizarteari begiak irekitzeko bide bat da. Dinamika ezberdin asko erabiltzen ditu dokumentalean baino onena liburuarena iruditu zait. Dinamika honetan liburu bat ematen die non etorkitzuna idatzita dagoen, baina ez da egia, hutsik dago, ez dago ezer idatzita. Honekin erakusten digu gure etorkizuna gure esku dagoela eta guk erabakitzen dugula nolakoa izan behar den. Honekin guztiz bat nator eta begiak irekitzeko edota motibatzeko izugarrizko ekintza iruditzen zait. Etorkizuna gure esku dago, bai hezkuntzan eta baita beste guzti arlotan ere, guk idazten dugu gure etorkitzuna.

Ikasleen erantzunak

iarbina — 2015-12-27 18:15:18 UTC

Hasieran usten dute klase horiek sekta baten parte direla, irakaslea ero bat iruditzen zaie eta ez dute seriotasunez hartzen kurtsoa. Baino pixkanaka konfiantza hartzen dute eta sentitzen dutena adierazten dute. Interesagarria iruditu zait erantzun ezberdinak ikustea, bertan argi ikusten da klasean dagoen dibertsitatea. Batzuk oso erraz moldatzen dira eta beste bazuei gehiago kostatzen zaie beren bihotza irekitzea guztien aurrean.

Ikasleak ezagutzea

iarbina — 2015-12-27 18:15:22 UTC

Irakasle honetaz gehien gustatu zaidana ikasleak ezagutzen saiatzen dela izan da. Izan ere, irakasleek bere ikasleak ezagutzea oso garrantzitsua ikusten dut, oso zaila baita zure ikasleak motibatzea ez badituzu ezagutzen. Guztiok gara ezberdinak eta orduan ezin gaituzte berdin irakatsi, nahiz eta oso zaila den gaur egungo sisteman, ezinezkoa. Dena den, Carlos Gonzalez bezalako irakasle gehiago egotea, munduari erakusteko zein nolako metodologiak erabili behar diren. Adibidez, Carlos Gonzalezek bere ikasleak ezagutzeko erabiltzen duen metodo bat segurtasun eza sortzea da, modu honetan, bakoitzari erakusten die bizitzen duten pertsonaia.

Pentsatu / sentitu

iarbina — 2015-12-27 18:15:39 UTC

Askotan eskatzen digute gure barnea ezagutzea baino ez dizkigute erraminta egokiak ematen. Honen ondorioz, Carlos Gonzalek dokumental honetan klaseko ikasgaiak beste modu batera ematen ditu, ikasgai horiek sentitu behar direla esaten du. Honetarako dinamika ezberdinak sortzen ditu, motibagarriak, ikasleentzat erakargarriak. Interesgarria iruditu zait nola bultzatzen dituen bera ikasleak pentsatzera, hitz egitera...

Porrota

iarbina — 2015-12-27 18:15:46 UTC

Berarentzat porrota ez saiatzea da. Honen ondorioz berak aurrera jarraitu zuen bere ideiarekin. Motibazio falta nabaritzen zuen bere ikasleengan baino ez hori bakarrik bera ez zegoen motibatuta. Orduan, sistematik at beste metodologia bat bilatu zuen. Pena bat da hau gehiagotan ez gertatzea, izan ere, motibazio falta ez da soilik irakasleen eta ikasleen arazoa. Hezkuntza-sistema zaharkituta dago eta honek ikasleen eta irakasleen motibazioan gutxiagotzea dakar. Gainera, irakasle bat ez dagoenean motibatuta bere lanean ezinezkoa da ikasleengan motibazioa sortzea. Beraz, Carlos Gonzalezek egindakoa interesgarria iruditzen zait hezkuntza-sistemaren porrota frogatzeko.

Dokumentala

iarbina — 2015-12-27 18:15:58 UTC

Carloz Gonzalezek klaseak uztea erabaki zuen, izan ere, ez zegoen bat ere gustora. Hau egitean, liburu bat idaztea erabaki zuen eta bertatik sortu zen dokumental hau egitearen ideia. Betiko metodologiarekin nazkatuta dago eta beste modu bat bilatzen du. 12 egunetan zehar 10 ikasle ezberdinei klaseak eman zizkien motibazio falta hori aurkitu nahian eta bere klaseak emateko era aurrera eramateko. Hau da, sistematik at zeuden klaseak eskaini zizkien 12 ikasleei.