Við byrjum á því að kynna þema verkefnisins fyrir börnunum og gerum það með bókinni um Ótrúlega sögu um risastóra peru. Við byrjum á því að lesa fyrsta kafla bókarinnar í morgunkaffitíma barnanna og börnin sjá myndir úr bókinni á tjaldi. Eftir frímínútur höfum við stutt spjall um kaflann sem lesin var og börnin gera stilli myndir af sér sjálfum sem einhver eða eitthvað úr bókinni og fá verkefnið að safna eins mörgum perusteinum hjá vinum og ættingjum og þeir geta. (við kennararnir lika).  Allir hafa gaman saman.

Við lesum kafla 2. í morgunkaffitíma barnanna og eftir frímínútur höfum við stutt spjall um innihald kaflans. Nemendur gera flöskuskeyti en við kennarar verðum búnir að útvega flöskur til verksins. Nemendur skrifa bréf sem inniheldur kynningu á sjálfum sér skrifaðri eða teiknaðri, hvaðan þeir koma  og fræ sem þeir skrifa af hvaða gerð er ( Farin verður fjöruferð í þessari þemavinnu til þess að setja flöskuskeytin í sjóinn, háð veðri).

Kafli 3 lesinn og myndir skoðaðar. Umræða um innihald kaflans, hvað vinátta og samvinna skiptir miklu  máli. Allir búa til sinn fjársjóðskassa. Við (kennarar og/eða nemendur) verðum með skókassa sem að börnin nota sem fjársjóðskistur. Við skiptum bekknum í 4 hópa og hver hópur skreytir kassann sinn og fer að hugsa um hvað hægt sé að setja í hann.
Dagur 4 - Fimmtudagur

Kafli 4 lesinn og umræður í kjölfarið. Rifjað upp hvað samvinna og vinátta skiptir miklu máli því verkefni dagsins er að gera fjársjóðskort. Nemendum skipt niður í 4 hópa, hver gerir sitt kort þar sem fjársjóður er falinn, fjársjóðinn fela þau á skólalóðinni. Nemendur skiptast á fjársjóðskortum. Verkefnið verður svo leyst í útiveru daginn eftir þar sem nemendur finna fjársjóðinn sem er á því korti sem þeir fengu.

Kafli 5 lesinn og farið verður yfir vikuna og allt sem við gerðum. Við stillum upp öllum myndum og hlutum sem að tengjast sögunni við vegginn svo að við getum skoðað allt saman. Eftir það ætlum við að teikna dreka sem er með vél, herbergi og öllu því sem að börnin vilja hafa í drekanum sínum sem þau sigla í yfir hafið. Myndir settar upp á vegginn.

Kafli 6 lesinn og innihaldið rætt ítarlega, því að þar kemur fyrir Svartamyrkurshafið. Er það til? Þar koma við sögu maurildi, eru þau til? Svo koma sálir drukknaðra sjómanna, er það til? Hvað er satt og hvað ekki? Er kannski bara allt skrökvulýgi eða er þetta allt satt. Við förum með börnin í hugarflug með leiðsögn um myrkrið og sjáum allt sem gerst hefur í bókinni.

Kafli 7 lesinn og innihaldið rætt. Í dag ætla börnin að gera dularfulla eyju úr allskonar efnivið. Börnin vinna að þessu saman í hópunum sínum og hafa stórt pappaspjald sem að eyjan á að vera á og síðan fá þau frjálsar hendur með dagblöð, lím, málningu, spýtuafganga,  efnisbúta og bara allt efni sem að við komum höndum yfir. Þarna verða þau að sýna samvinnu og sköpunargleðin fær að njóta sýn. 

Kafli 8 er lesinn og eftir hann klárum við eyjuna frá því í gær (ef að það kláraðist ekki). Í dag ætlum við að tala um mánaðardaga. Allir skrifa niður hvaða dagur er afmælisdagur þeirra og lærum lagið um mánuðina. Allir afmælisdagarnir verða settir upp á vegg. Þetta verkefni tengist því hvað söguhetjurnar eru marga daga á leiðinni heim.

Kafli 9 og 10 verða sameinaðir og allt sem eftir var að klára sem getur verið mismundandi eftir hópum klárað. Kennarar aðstoða við það sem þarf. Við ætlum að ræða um tilfinninguna sem við fáum þegar við komum heim eftir langa fjarveru og eftir að hafa verið lengi frá vinum og ættingjum.

Dagur 10 – Föstudagur 

Í dag ætlum við að bjóða öðrum bekkjum að koma og skoða það sem við höfum föndrað og börnin segja öðrum börnum frá sögunni sem við lásum.